Истражувањата покажуваат дека родителите сè почесто бараат лекарска помош поради голтање играчки, батерии и други ситни предмети и покрај напорите да се обезбеди сигурно опкружување за децата.
На листата проголтани предмети има сè и сешто, од обетки до божиќни украси. Истражување објавено во Pediatrics покажува дека децата најчесто голтаат кованици поради што во повеќето случаи остануваат на болничко лечење. Во текот на истражувањето се забележани дури 150 инциденти кои вклучуваат голтање батерии, предмети кои можат да предизвикаат сериозни оштетувања кога ќе се проголтаат.
Истражувачи во Националната детска болница во Колумбус анализирале податоци од националниот систем собрани во приодот од 1995 година до 2015 година, обрнувајќи внимание на случаите во кои деца помлади од 6 години се лечени во брза помош поради голтање предмети. Забележани се дури 759.000 такви случаи.
„Во просек, поради голтање на туѓи тела секојдневно 99 деца доаѓаат на вратата на итните служби“, вели авторот на студијата, педијатарот Даниел Орса-Јентис.
Заклучокот е дека се нагласува потребата за зголемена внимателност во домот или било каде што се децата присутни. И покрај напорите играчките, батериите и магнетите да се направат побезбедни за децата, во текот на истражувањето процентот на вакви случаи е зголемен за 4,4 проценти годишно.