Присуството на Берни Сандерс на вчерашната инаугурација на Џо Баjден го привлече вниманието на корисниците на социјалните мрежи ширум светот. Неговата едноставност и скромност беа инспиративни за многумина од нив.
Посебно внимание привлече начинот на кој седеше, како и зимските плетени ракавици. Изгледа дека ракавиците имаат симболично значење, наводно се исплетени од учителката Џен Елис од Вермонт и тоа од стар волнен џемпер и рециклирани пластични шишиња.
Ова не е прв пат Сандерс да ги носи овие ракавици. Елис беше изненадена кога виде дека ги носи во текот на минатогодишната кампања за демократската номинација за претседател на САД, пренесе BBC.
Положбата во која Сандерс седеше на инаугурацијата беше повод за корисниците на социјалните мрежи за изработка на различни мемиња, па така Сандерс од инаугурацијата е прикажан како седи во чекалница, се вози на жичарница, седи покрај американското знаме на Месечината, прикажан е во присуство на Абрахам Линколн, но и како во скут му седи мачка.
Сандерс во два наврати се обиде да ја добие номинацијата на Демократската партија за кандидат на САД. Првиот пат во 2016 година, а потоа и четири години подоцна кога се откажа поради нарушено здравје.