Вистински период од годината за да се разладите со вкусен десерт - сладолед од јагоди.
Состојки:
500 грама јагоди
1 лимон
250 грама шеќер
300 мл слатка павлака
50 грама чоколада за готвење
Подготовка:
Јагодите исчистете ги и ставете ги во блендер. Шеќерот и сокот од еден лимон ставете ги во тенџере на оган и варете се додека шеќерот не се растопи. Растопенот шеќер ставете го во блендер врз јагодите, а слатката павлака изматете ја со миксер посебно за да ја добие потребната густина, па потоа и неа ставате ја во блендерот со јагодите.
Откако сите состојки добро ќе се соединат во блендерот, смесата префрлете ја во сад со капак, па потоа во ладилник. Потребно е сладоледот добро да се излади. Потоа изладениот сладолед декорирајте го со чоколада.