Годината што изминува ќе ја паметиме по многу неочекувани свршувачки на ѕвездите, но и по раскинувањата на многу омилени славни двојки.
Од очекуваниот развод на Џенифер Анистон и Џастин Теро, до избрзаната и пропадната свршувачка на Аријана Гранде и Пит Дејвидсон, ова се раскинувањата што најмногу ја шокираа јавноста во 2018 година:
Аријана Гранде и Пит Дејвидсон
Врската ја почнаа на средината на 2018 и за кратко време се свршија, почнаа да живеат заедно, зедоа заеднички домашен миленик и раскинаа. Иако врската траеше сѐ на сѐ четири месеци, Аријана и Пит сепак ја шокираа јавноста со раскинувањето.
Ченинг Тејтум и Џена Деван
Важеа за совршената двојка во секој поглед. И потоа ја изненадија јавноста со веста дека се разведуваат по девет години брак. И двајцата веќе најдоа нова љубов – Ченинг е во врска со пејачката Џеси Џеј, а Џена е со театарскиот актер Стив Кази.
Лијам Пејн и Шерил Кол
По три години врска што беше под будното око на јавноста, и раѓањето на нивниот син Бер, Лијам и Шерил раскинаа во јуни годинава.
Парис Хилтон и Крис Зилка
На почетокот на 2018 година Крис ја запроси Парис на Алпите со прстен од 2 милиони долари, а 10 месеци подоцна таа му го врати свршеничкиот прстен назад.
Џенифер Анистон и Џастин Теро
По две години во брак, Џенифер и Џастин се разведоа во февруари годинава, а во заедничкото соопштение рекоа дека се разделуваат во пријателски услови.