Вообичаено е децата на богатите и славни личности да уживаат во животот, трошејќи го наследството, но постојат и исклучоци.
Мила Кунис, Даниел Крег, Џеки Чен и Марк Закерберг се дел од познатите кои имаат милијарди, но од различни причини нема да им ги остават на децата.
Мила Кунис и Ештон Кучер
„Не создаваме наследство за нив, парите по нашата смрт ќе одат во хуманитарни цели или други намени. Уште немаме одлучено“, откри парот во една прилика.
Иако тврдат дека децата нема да ги остават на цедило, сепак и за тие пари ќе мора дополнително да се потрудат.
„Ако посакаат децата да почнат свој бизнис или имаат добар бизнис план, ќе вложам во него. Но, парите нема така лесно да ги добијат“, објасни Кучер и додаде дека децата така ќе останат мотивирани и самите да создаваат и работат.
Даниел Крег
„Мојата филозофија е дека треба да се ослободам од се што имам. Не сакам на идните генерации да им оставам во наследство многу пари. Сметам дека наследството е проклетство, никогаш нема да им го оставам на децата“, изјави Крег во една прилика.
Актерот има две ќерки.
Џеки Чен
Актерот Џеки Чен досега повеќе пати има изјавено дека парите планира да ги донира, нема да ги остави на синот. Има и објаснување за тоа.
„Ако е доволно способен, може без проблеми сам да си заработи пари. Ако не е, тогаш само ќе ги троши моите, а јас тоа не го сакам“.
Марк Закерберг
Основачот на Facebook и неговата сопруга Присила Чен тврдат дека нивното богатство вреди 82,6 милијарди долари. Имаат намера 99% од него да го донираат во хуманитарни цели.
„Сакаме нашите ќерки да пораснат во подобар свет од нашиот. Ние ќе го направиме нашиот дел за да го овозможиме тоа, не само затоа што ги сакаме туку и затоа што имаме морална одговорност кон идните генерации“, велат тие.
