После фотографиите кои ги објави еден британски таблоид, на интернет се појави и снимка, која покажува како контроверзниот музичар Лијам Галагер физички ја напаѓа својата девојка.
Поранешниот фронтмен на групата „Oasis“, популарниот пејач Лијам Галагер, се наоѓа во средиште на скандал, откако магазинот „The Sun“, објави вест поврзана со конфликт со неговата девојка Деби Гвитер, кој се случи во еден ноќен клуб во Лондон.
После првичната вест за инцидентот која се прошири на интернет, се појавија и слики, но и видео снимка, која дефинитивно потврдува дека пејачот физички ја нападна својата девојка.
Во краткото видео можеме да видиме како Лијам и Деби се расправаат, а потоа пејачот ја фаќа својата девојка за врат и почнува да ја дави.
За среќа тој ја пушта само после неколку секунди, а Деби спасот го пронаоѓа во една од кабините, каде што влезе, а набргу се појавува и келнер кој се обидува да ја смири видно вознемирената жена.
Чуварот, кој имаше прилика да го види целиот настан, за „The Sun“ изјави дека „нападнатата жена доживеала огромен стрес и дека се тресела од страв, додека нејзиниот партнер ја нарекол вештерка“.
После медиумскиот напад, во кој многу луѓе го осудуваат насилството, се огласи и самиот Лијам, кој покрај сите фотографии и снимки, демантираше дека ја нападнал својата девојка.
Истото го направи и самата Деби, а многумина ги зачуди нејзиниот потег, бидејќи сметаат дека токму таа треба да го остави пејачот и да зборува за насилството, бидејќи на тој начин може да им помогне на сите жени кои минуваат преку иста или слична ситуација.