Повитица или потица е името на словенечката верзија на штрудла која традиционално се прави со ореви, но можете да најдете различни рецепти со други видови фил.
Пред послужување задолжително посипете ја штрудлата со шеќер во прав.
Потребни состојки:
за тестото:
- 450 гр брашно
- 100 гр шеќер
- 1 јајце
- 1 жолчка
- 1 кесичка сув квасец
- половина лажичка сол
- 150 мл топло млеко
- 70 гр путер (на собна температура)
за полнењето:
- 300 гр мелени ореви
- 1 жолчка
- 2 белки
- 50 гр мед
- 1 лажица какао
- 5 лажици шеќер
- прстофат сол
- 70 мл млеко
- 50 гр путер (на собна температура)
- 3 лажици млеко (за премачкување)
Подготовка:
Во топло млеко измешајте квасец и една лажичка шеќер и оставете малку да нарасне. За тоа време во поголем сад измешајте ги брашното, солта, остатокот од шеќерот и изматените јајце и жолчка. Кога смесата ќе нарасне, соединете ги состојките и замесете тесто.
Потоа додадете путер на собна температура и продолжете со месење додека не се соедини со остатокот од тестото. Тестото мора да биде целосно мазно и одвоено од тавата. После тоа, извадете го тестото, посипете го садот со малку брашно, вратете го тестото и покријте го со крпа. Така, тестото треба да се остави на топло место еден час за да нарасне.
Следува подготовка на полнетиот дел. Белките се матат со прстофат сол, а кога ќе се формира пена се додава шеќерот и се матат додека не се добие т.н. тврд снег.
За тоа време подгответе го филот: измешајте ги белките со прстофат сол. Кога ќе запени додадете шеќер и мешајте додека не добиете цврста пена. Соединете ги сите преостанати состојки и на крајот со лесни движења измешајте ги во снегот од белката.
Кога тестото ќе нарасне, кратко замесете го и виткајте го во тенок правоаголник. Дебелината на тестото треба да биде околу 2 милиметра. Тестото премачкајте го со тенок слој фил и расукајте го по должината.
Земете тавче за леб и премачкајте го со малку путер. Свиткајте го тестото во форма на буквата „С“, префрлете го во калапот да изгледа како да е составено од три дела. Оставете го тестото повторно да нарасне.
Кога тестото е готово вклучете ја рерната на 180 степени и оставете да се загрее. Намачкајте ја штрудлата со три лажици млеко и за почеток печете ја 15 минути. После тоа намалете ја температурата на 160 степени и печете уште 40 минути.
