Словенија има брат и сестра кои се светски шампиони

Словенечкиот ски-скокач Домен Превц го освои златниот медал на големата скокалница на Светското првенство во Трондхајм.

Завршната дисциплина во скијачки скокови на годинашното Светско првенство во нордиско скијање во Трондхајм донесе нова радост за Словенците, нов успех и потврда за доминацијата на натпреварувачите од оваа земја во скијачките спортови.

Домен Превц ги надмина конкурентите на големата скокалница, кога забележа скок од 140,5 метри.

Со златниот медал на Домен Превц, репрезентативците на Словенија го крунисаа исклучително успешното Светско првенство во Норвешка, откако претходно неговата сестра Нина исто така освои злато.

За потсетување, таа пред три дена го освои вториот медал со скок од 134,5 метри или 150,9 поени.

19-годишната Словенка на Светското првенство во Трондхајм освои 3 медали, откако претходно го освои среброто во мешана екипна конкуренција.