Во Словенија денеска се регистрирани само 24 нови случаи на заразени со коронавирус што е најнискиот број од крајот на август минатата година, а агенцијата Hina пренесува дека Словенија утре ќе прогласи крај на епидемијата.
Како што пренесува агенцијата STA, процентот на заразени е само 2,3 отсто, а направени се преку 1.000 тестирања.
Бројот на хоспитализирани изнесува 134, а само 42 лица се на интензивна нега.
Две лица вчера починаа од последица на коронавирусот, а вкупниот број на починати изнесува 4,722 од почетокот на пандемијата.
Според Hina, утре ќе прогласат крај на епидемијата, но некои мерки ќе останат во сила.
