Словенија се придружи на Шпанија во полуфиналето на Евробаскет, откако вчера во најатрактивниот меч досега на првенството ја победи Летонија со 103:97.
Натпревар со НБА стандарди одиграа Словенија и Летонија во „Синан Ерден Арена“ во Истанбул. И двете репрезентации го покажаа својот напаѓачки потенцијал, а третата четвртина се покажа како решавачка за конечниот исход.
Словенците го наполнија противничкиот кош во првата четвртина, во деветтата минута имаа предност од 30:15, но Латвијците возвратија со иста мерка во вториот период (17:32) и на полувреме отидоа со предност од 51:55.
Третата четвртина Словенците ја започнаа фуриозно, Латвијците не може да погодат ништо и по само четири минути Словенија повторно стигна до двоцифрена предност.
Во четвртата четвртина Латвијците покажаа желба за резултатско враќање во натпреварот, но „чудото од дете“ Лука Дончиќ со две брзи тројки не дозволи изненадување и ја донесе Словенија до победата.
Бековската двојка на Словенија, како и на целото првенство, блескаше и во овој натпревар. Дончиќ забележа 27 поени и 9 скокови, а Драгиќ заврши со 26 поени, 6 скока и 8 асистенции.
Кај противничката екипа Порзингинс одигра феноменален меч и постигна 34 поени, а Давис Бертанс уфрли 23 коша.
