Родителите на 10-месечно бебе кое пред неколку години почина во болница во Љубљана поради воспаление на бели дробови и акутна неухранетост, нема да одат во затвор. Судот во Словенија ги осуди на условна затворска казна од 2 години, која ќе ја отслужат со општествено-корисна работа.
Детето во болница било примено со само 3.600 грама тежина, а трагичниот настан се случи во 2011 година и тогаш предизвика огромно внимание во јавноста и кај социјалните служби, бидејќи факултетски образован пар со уште пет други деца, пред трагичниот настан одбегнувал нивно лекување и здравствени прегледи.
Родителите биле страсни вегани кои се хранеле само со зеленчук, но и заговорници на природен начин на лекување, без медицински лекови. Истиот стил на живеење им го наметнале и на децата. Обвинението против нив е поднесено дури во 2014 година по бројни медицински експертизи. Најпрвин поради кривично дело предизвикано од смрт на занемарување на дете, и покрај изразената неухранетост, кашлањето, тешкото дишење и општата слаба состојба бебето не било однесено на доктор. На крајот починало во болница од последици на воспаление на бели дробови, кое довело до труење на крвта.
Во текот на истражната постапка утврдено е дека сите нивни деца имаат бројни здравствени тешкотии бидејќи не им била обезбедена правилна исхрана потребна за нормален развој. Медицинските резултати покажале дека децата имаат остеопороза, недостаток на железо и на други елементи во организмот. Кај едно дете биле откриени и промени во мозокот поради недостаток на витамин Б12. Покрај тоа децата не биле вакцинирани бидејќи тоа не се вклопувало во животниот стил на родителите.
