Случај Денис Тот: Кривичен денеска ќе ја соопшти пресудата за тројцата обвинети за убиство

Во Основниот кривичен суд во Скопје денеска треба да биде објавена пресудата за случајот со убиството на хрватскиот ракометар Денис Тот пред ноќен клуб во Градскиот парк во Скопје на 7 април годинава.

За кривичното дело убиство, Основното јавно обвинителство (ОЈО) Скопје обвини три лица: Анџело Ѓоргиевски (28), Клементина Левковска (19) и Андреј Костовски (19).

Во завршните зборови на рочиште пред десетина дена, обвинителката Тања Трајчевска, побара тројцата обвинети да бидат прогласени за виновни бидејќи, според неа, во судскиот процес се докажало дека тие го сториле кривичното дело за кое се гонеле.

 Имајќи предвид дека откако оштетениот паднал на асфалтот бил удиран од страна на обвинетите, додека беспомошно лежел, зборува дека обвинетите имале умисла за извршување на кривичното дело и дека биле свесни дека може да настане штетна последица, посочи обвинителката Тања Трајчевска во завршните зборови за случајот со убиството на хрватскиот ракометар Денис Тот, кој беше претепан до смрт пред дискотека во Градскиот парк во Скопје

Според обвинителката, оштетениот бил доведен во нерамноправна позиција, бидејќи, како што рече, бил нападнат од тројца кои што му задале удари по виталните делови од телото, во пределот на главата, каде што подоцна се констатирнаи животозагрозувачки повреди.

Таа посочи дека од доказната постапка произлезе дека обвинетите го сториле кривичното дело на начин, време и место како што е опишано во обвинителниот акт и побара од судот да пресуди по однос на истите, имајќи ги предвид сите олеснителни и отежнувачки околности.

Полномошникот на законскиот застапник се приклучи на завршниот збор на обвинителката и предјави оштетно побарување за Игор Тот, Татјана Тот и Борис Тот, за сите соодветно, во износ од 9 милиони денари.

Обвинителството ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

„Барам од судот да ме казни за она што реално сум го направил, а тоа, според мене, мислам дека и според многу други, секако не е убиство со умисла“, изјави обвинетиот Анџело Ѓоргиевски, во своите завршни зборови за случајот на 21 ноември.

Обвинетиот Ѓоргиевски рече дека во ниеден момент не сакал да го повреди, или како било да му наштети на сега починатиот Денис Тот.

„Воедно, сакам да кажам дека изразувам искрено жалење и жалам за овој немил настан и за сето тоа што се случи, жалам и за загубениот човечки живот. Сакам уште еднаш да потенцирам дека мојата реакција беше во состојба на афект и од страв. Ниту сакав, ниту би го повредил сега починатиот Денис Тот“, рече тој.

Обвинетата Левковска изјави дека останува во целост со завршните зборови на нејзините адвокати и рече дека ѝ е жал за случајот, за кој, како што рече, „во никој случај не сакав да се случи тоа“.

„Многу ми е жал и многу ми е криво за немилиот настан што се случи“, рече обвинетиот Андреј Костовски кој како олеснителна околност го посочи фактот што самиот се пријавил во полициската станица за расветлување на случајот.

Тагови
реклама

Цвеќе кое е одлично против мувла, го чисти и воздухот, го препорачува и НАСА

Read more

Нов готвачки гаф на Бруклин Бекам - ги расипа лазањите

Read more

Нов тренд полека ја заменува порнографијата: Аудио еротика

Read more

Шест намирници кои секој ден треба да ги јадете

Read more

Македонија

Спасовски: Апелирам да не се блокираат патишта, на мирно и достоинствено чествување

Read more

Снег паѓа речиси низ цела земја, на Шапка најмногу наврна - 83 сантиметри

Read more

Облачно и студено со повремени врнежи од дожд и снег

Read more

Ковачевски: Нема да има ценовен шок до крајот на 2023 година

Read more
 

Вести

Спасовски: Апелирам да не се блокираат патишта, на мирно и достоинствено чествување

Читај повеќе

Два вагони-цистерни со фосфорна киселина се излизгаа во Зајечар

Читај повеќе

Снег паѓа речиси низ цела земја, на Шапка најмногу наврна - 83 сантиметри

Читај повеќе

Се самоуби велешанец кој тешко повреди девојка, таа се бори за живот на Клинички

Читај повеќе

Облачно и студено со повремени врнежи од дожд и снег

Читај повеќе

Ковачевски: Нема да има ценовен шок до крајот на 2023 година

Читај повеќе

Единаесет загинати и исто толку повредени во ракетниот напад во Украина

Читај повеќе

Ќе се реконструираат сите споменици од НОБ

Читај повеќе

До Собранието испратен Предлог-закон за амнестија на осудените за настаните од 27 април

Читај повеќе