Популарната видеоигра EA Sports FIFA 2023 уште еднаш го предвиде победникот на Светското првенство и четврти пат по ред погоди кој на крајот ќе ја крене познатата „божица“, најважниот трофеј во светот на фудбалот.
Дали е тоа неверојатна случајност, само чиста среќа или совршено предвидување, никогаш нема да дознаеме. Сепак, откако ФИФА ја започна симулацијата на Светското првенство во 2010 година, секојпат успешно предвидуваше кој ќе биде светски шампион.
Започна со Шпанија во 2010 година, потоа Германија, Франција и сега Аргентина. Навивачите веруваат дека се работи за неверојатна бизарна случајност.
Но, има и такви теоретичари на заговор кои како и секогаш тврдат дека сè наместено и дека на овој начин ФИФА покажува дека победникот се знае однапред.
Симулацијата беше објавена на 8 ноември на официјалната веб-страница на FIFA 23, речиси две недели пред почетокот на Светското првенство во Катар.
FIFA предвиде и дека Емилиано Мартинес ќе биде најдобар голман на турнирот. Единствената грешка е што ФИФА очекуваше Аргентина да игра против Бразил во финалето.