Бритни Спирс и Елтон Џон ја објавија песната „Hold Me Closer” – новата преработка на неговата песна „Tiny Dancer“ од 1971 година.
„Прилично е кул што пеев со еден од најтренди мажите на нашето време. Ова е голема работа за мене!!!“, напиша Бритни на Twitter.
За неа ова е големо враќање – по шест години надвор од сцената. Последната нејзина песна „Slumber Party“ ја објави 2016 година.
Џон неделава ја изведе песната и пред публика, во ресторан на југот на Франција.
„Апсолутно сум одушевен што имав можност да работам со Бритни Спирс. Таа навистина и икона – една од најголемите поп-ѕвезди на сите времиња и звучи неверојатно во оваа песна. Ја сакам многу и сум одушевен од она што го создадовме заедно“, истакна Елтон Џон.
Магазинот Rolling Stone ја има вклучено оригиналната песна на Елтон меѓу 500-те најдобри песни на сите времиња, и тоа – на 47. место.