Ова е најкомпактниот, најпрактичниот и најлесниот електричен велосипед кој го имаме видено до сега.
Кинеската компанија Smacircle Technology на Indiegogo успешно собра пари за лансирање на својот практичен електричен велосипед без педали, наречен Smacircle S1.
Главната негова карактеристика е лесната конструкција од јаглеродни влакна, која може да се склопи на иновативен начин во пет лесни чекори и да се носи во ранец.
Целиот велосипед тежи само 7 килограми заедно со батеријата која ја произведува Самсунг, а за одредување на брзината, следење на состојбата на батеријата и отклучување, можете да користите Android или iOS апликација.
И покрај тоа што е мал и лесен, велосипедот може да превезува луѓе со тежина до 100 килограми со брзина од 20 км/ч. Велосипедот има систем за електронско кочење, предно и задно светло, а батеријата се полни за 2 ипол часа.
Во оваа рана фаза, неговата цена е 649 долари, што е за 57% помалку од планираната цена кога ќе се најде во дуќаните, а испораките започнуваат при крајот на годинава.