Компанијата Samsung уште се нема откажано од смартфоните на преклоп и подготви уште еден модел што наскоро ќе се појави на пазарот во Јужна Кореја.
Уредот SM-W2018 е понова верзија на веќе постоечкиот истоимен уред што веќе беше пласиран на пазарот во Кина и уште не е јасно кои ќе бидат разликите меѓу двата телефони.
Смартфонот е комбинација од напредна технологија како бежично полнење и сензор за отпечаток на прст, со основни спецификации како процесор Snapdragon 430.
Најинтересен е двојниот дисплеј од 4,2 инчи Full HD Super AMOLED, а уредот има и задна камера од 12 мегапиксели и предна од 5 мегапиксели, додека батеријата е од 2.300 mAh.
Исто така доби 64 GB внатрешна меморија, Samsung Pay поддршка, а исто така е отпорен на вода и прашина.
Телефонот ќе биде достапен само во Азија.
