Смартфонот Honor 50 се појави на глобалниот пазар, па така стигна и во Европа.
Honor беше подбренд на Huawei, но се разделија од нив. Откако смартфонот беше претставен во јуни во Кина, овој модел го пронајде патот и до европскиот пазар. Цената на основниот модел изнесува 529 евра, а купувачите за тие пари ќе добијат 6 GB RAM и 128 GB интерна меморија. Верзијата со 8 GB RAM и 256 GB интерна меморија ќе чини 599 евра.
Honor ќе биде првиот уред на оваа компанија кој ќе се продава со апликациите на Google. Смартфонот ќе биде достапен во 40 земји.
Што се однесува до спецификациите, Honor 50 го движи Qualcomm Snapdragon 778G процесор, а го напојува батерија од 4300 mAh која поддржува 66W полнење.
Доби и 6,57-инчен заоблен OLED екран со резолуција од 1080 пиксели и фреквенција на освежување од 120Hz. Позади се сместени 4 камери, главната од 108, ултрашироката од 8, макро од 2 и сензор за длабочина од 2 MP.
Honor планира да го претстави и Honor 50 Lite по цена од 299 евра за модел со 6 GB RAM, a се очекува во Велика Британија, Франција, Германија, Италија и Шпанија.