Пред да си го резервирате следното патување добро распрашајте се околу плажите кои планирате да ги посетите. Неколку плажи знаат да бидат исто толку опасни како и што знаат да бидат убави.
Фрејзеровиот остров, сместен на југоисточниот брег во Австралија, ја крие најопасната плажа на светот. Островот во текот на пет илјади години го населувале луѓе, но многу е опасно да се оди таму.
Смртоносните плажи всушност треба да ги избегнувате. Над опасните области поминуваат хеликоптери во случај да треба на некому да му се пружи помош. Лекови е речиси невозможно да се пронајдат на цел остров, но тоа не е она најлошото.
Пред се, островот е омилено место за големите бели ајкули, а покрај тоа што постои можност да ве нападнат, можете да бидете нападнати и од австралиско диво куче.
Постои опасност и од медузи, после чиј напад ќе ви биде потребна и медицинска помош, која на островот ја нема.
Капењето во океан само по себе знае да биде смртоносно поради морските струи. Покрај тоа што нема чувари, дури не постојат ниту табли или знаменца кои означуваат дека се влегува во опасна област.
Околните области се прекриени со песок, па многу туристи не ни знаат дека под некои се наоѓаат и езера што може да ги доведе до уште една неволја.
Секоја година се забележуваат се повеќе несреќи, па ниту возењето по песокот не е безбедно.
Островот во 1992 година беше ставен во листата на УНЕСКО за Светски културни и природни наследствa. Под заштита е на владата на Австралија, која го прогласи за национален парк.