СМС-пораката на Рускоска ги налути судиите

Скопје, 21 ноември 2019 (МИА) – СМС-пораката на шефицата на Обвинителството за организиран криминал, Вилма Рускоска, дека ќе поведе финансиска истрага против судиите од Апелацискиот суд, кои донесоа одлука поранешната специјална обвинителка Катица Јанева, обвинета во случајот „Рекет“, да излезе од притворот во Шутка и да издржува куќен притвор, ги налути апелациските судии.

За судиите ваквото однесување на Рускоска е преседан во правосудниот систем, а за Судскиот совет е во спротивност на Етичкиот кодекс на јавните обвинители.

– Ако ти со советот сте ја пуштиле Катица, да знаеш дека од гаќи ќе ве истресам цел совет со финансиска истрага. Заради судии како Вас, никогаш нема во ЕУ да влеземе. Ако не е твојот совет, се извинувам. Ама ако сте вие, ќе видите“, е содржина на СМС-порака, како што соопшти Апелацискиот суд, која обвинителката Рускоска ја испратила до еден од членовите на Кривичниот совет на Апелација.

По одржаниот колегиум, Апелацискиот суд објави соопштение во кое изразува став дека однесувањето на Рускоска е директна закана и грубо мешање во работата на судот каде што јавното обвинителство е само странка во постапката.

Колегиумот, како што посочуваат од Апелација, оценил дека искажаните сомневања на Рускоска се паушални, неосновани и грубо мешање во работата на судот.

– Ваквото недолично однесување на јавен обвинител кој раководи со Обвинителството за организиран криминал и корупција, истовремено, претставува директно влијание врз текот на водењето на судските постапки и грубо го нарушува принципот на независноста на судството, како многу важен сегмент на владеењето на правото, а токму тоа може да биде пречка за пристапување на нашата држава во ЕУ, на кое нешто се повикува обвинителката. За горенаведеното писмено се известени и надлежните институции, велат од Апелацискиот суд во Скопје.

По ова се огласи и Јавното обвинителство на Република Северна Македонија, од каде што велат дека реакцијата на надлежниот јавен обвинител во предметот треба да се разбере како израз на моментално разочарување, по сознанието за донесената одлука во предмет во кој по опсежна предистражна и истражна постапка и поднесено обвинение очекува судска разврска.

Како единствен државен орган кој е надлежен за кривично гонење и се грижи за законитоста на кривичниот прогон, Јавното обвинителство нагласува дека ги почитува судските одлуки и не се меша во работата на судската власт.

– Јавното обвинителство во извршувањето на функцијата ја заштитува законитоста и се залага за почитување на основните слободи и права на човекот и граѓанинот, принципот на владеење на правото и во таа насока обвинителството ќе ја продолжи соработката со надлежните институции и судски органи, се наведува во соопштението од ЈОРСМ. 

Од Судскиот совет на Република Северна Македонија, пак, со осуда на однесувањето на обвинителката Рускоска бидејќи, велат, тоа е во спротивност на Етичкиот кодекс на јавните обвинители.

– Судскиот совет констатира дека ваквите изјави сo закана спрема судиите претставуваат грубо кршење на принципот на еднаквост и рамноправност на учесниците во кривична постапка, влијание врз јавноста по однос на законитоста на судската одлука спротивно на Уставот и позитивните законски прописи, злоупотреба на правата во судска постапка, недозволено мешање и притисок врз судиите при донесувањето судски одлуки и нарушување на угледот на судот и судската власт преку создавање правна несигурност како еден од сегментите на принципот на владеeње на правото, се наведува во соопштението од Судскиот совет.

И Управниот одбор на Здружението на судиите со најостра осуда за, како што велат, нападите врз судството и судиите од било која страна. Сметаат дека нападите претставуваат директен притисок врз независноста и самостојноста при одлучувањето и правораздавањето.

Со осуда за изјавата на Вилма Рускоска излезе и адвокатката на Јанева, Ирена Фрчковска бидејќи, како што вели, таа е непримерна, недозволена и е притисок врз судството.

Премиерот Зоран Заев не сакаше да ја коментира вчерашната најава на обвинителката Вилма Рускоска.

– Не коментирам за обвинителката Русковска. Прибе во својот извештај вели политичарите да избегнуваат коментари за одредени постапки на судии, обвинители, рече Заев одговарајќи на новинарски прашања по промоцијата на веб-платформата „Отворени финансии“.

Од Апелацискиот суд велат дека одлуката за Јанева да замине во куќен притвор е донесена поради фактот што истражната постапка за „Рекет“ е завршена, има обвинение, како и поради нејзината нарушена здравствена состојба.

Јанева, како што посочуваат оттаму, има забрана за комуникација со лицата опфатени во случајот „Рекет“, одземен ѝ е пасошот, забрането е да ѝ се издаде нов, а изречена ѝ е забрана за напуштање на државата и со лична карта.

Апелацискиот суд завчера ја уважи жалбата на Јанева и ѝ одреди мерка куќен притвор, по што таа ја напушти „Шутка“ и замина во станот на нејзиниот син во близина на Клубот на пратеници. Во куќен притвор од 24 септември е и второосомничениот Зоран Милевски-Кичеец, а во затворот во Шутка остана првоосомничениот во „Рекет“ Бојан Јовановски.

Првото судско рочиште за случајот „Рекет“ во Основниот кривичен суд Скопје е закажано на 3 декември. 

реклама

Викендот без ДДВ на 10, 11 и 12 октомври

Read more

Филипче: Разговараме сите во регионот да ги отвориме границите со исти правила за ПЦР тестовите

Read more

Возевме: Спуст по новата велопатека на Водно

Read more

Швајцарија на референдум гласа за слободното движење со ЕУ

Read more

Македонија

Мицкоски: Новиот пакет мерки нема донесе ништо добро, туку дополнително ќе ја продлабочи кризата

Read more

Дневен корона биланс: 3 починати, 148 новозаразени и 65 излекувани

Read more

Со велосипедизам, Крушево развива алтернативен туризам

Read more

Филипче: Разговараме сите во регионот да ги отвориме границите со исти правила за ПЦР тестовите

Read more

Вести

Во Викендот без ДДВ ќе се купуваат домашни производи и ИТ опрема до 30.000 денари

Читај повеќе

Мицкоски: Новиот пакет мерки нема донесе ништо добро, туку дополнително ќе ја продлабочи кризата

Читај повеќе

На референдум Швајцарците одбија да се затворат кон ЕУ

Читај повеќе

Збунувачки тврдења од кавкаскиот конфликт: И двете страни победуваат

Читај повеќе

Дневен корона биланс: 3 починати, 148 новозаразени и 65 излекувани

Читај повеќе

Со велосипедизам, Крушево развива алтернативен туризам

Читај повеќе

Казнети 528 лица за неносење на заштитна маска

Читај повеќе

Бектеши: Продолжуваме со мерки за поддршката за туристичкиот сектор за побрзо надминување на кризата

Читај повеќе

Во Велес пред Спомен куќата на Рацин промовирана збирка поезија „Слушни ја тишината“

Читај повеќе