СМС пораки откриваат како Администрацијата барала од Украина истрага за Бајден

Вашингтон, 4 октомври 2019 (МИА) – Високи американски дипломати извршувале наредба од Белата куќа Украина да отвори истрага за политички ривал на американскиот претседател Доналд Трамп, се дознава од содржината на пораките објавени синоќа од конгресни истражители на Претставничкиот дом.

Пораките се на дипломатите како Курт Волкер, специјален претставник на САД за Украина кој неделава поднесе оставка, како и вршителот на должност амбасадор на САД во Украина, Бил Тејлор, потоа Гордон Сондленд, амбасадорот на САД во ЕУ. Но, и на високи официјални лица од кабинетот на украинскиот претседател Володимир Зеленскиј, јави дописникот на МИА од Вашингтон.

– Овие пораки откриваат крајно загрижувачка ситуација укажана од претставници на Стејт департментот дека задржаната воена помош за Украина, критична за земјата, се условувала со средба на претседателот Трамп и Зеленскиј. Со оваа помош се вршел притисок врз Украина да започне политички мотивирана истрага, се вели во соопштението од американскиот Конгрес.

Претставниците на трите комисии од Претставничкиот дом, за разузнавање, надзор и реформи и за надворешни работи, укажуваат дека „ова не е нормално или прифатливо“. „Тоа е неетички, непатриотски и погрешно. Американски претседатели никогаш не треба да вршат притисок врз странски сили за напад на домашни политички ривали“, се вели во соопштението.

Пораките беа објавени по речиси десетчасовно сведочење на Волкер вчера пред трите комисии и откриваат разговор меѓу него и двајца други американски дипломати за тоа како да постапат со барањата на Трамп за истрага за поранешниот потпретседател Џо Бајден и неговиот син Хантер.

Еден разговор покажува како Волкер му пишува на советник на Зеленскиј, ветувајќи средба на новоизбраниот претседател со Трамп во Вашингтон во замена за истрага.

Но, Трамп денеска на подолг брифинг пред новинарите се дистанцираше од пораките што ги објави Претставничкиот дом.

Бајден е во трка за номинација претседателски кандидат од демократите на изборите во 2020 година.

Трамп инсистирал Зеленскиј да отвори истрага за време на телефонскиот разговор на 25 јули, постапка што поттикна истрага за негов импичмент во Конгресот.

Претседателот го обвини Бајден за злоупотреба на неговата моќ, преку наводно барање Украина да запре кривична истрага водена од украински обвинител за неговиот син Хантер.

Претседателот и неговите соработници не обезбедија никакви докази да покажат дека Бајден бил вклучен во нелегална активност.

Кампањата на Бајден, пак, отфрли секакви сомнежи за корупција во времето кога како потпретседател се ангажирал во напорите на меѓународната заедница да ја запре корупцијата во Украина.

реклама

Италија личи на чизма, Албанија на кондом, а Македонија?

Read more

Дали може да опстои бракот без секс?

Read more

Искрени илустрации за секојдневието на мајка со двегодишно дете

Read more

Највисоките дрвја во светот завиткани во огноотпорни ќебиња за заштита од пожар

Read more

Свет

Нови мерки за влез во Швајцарија - новина и за невакцинираните

Read more

Кои се најбезбедни градови во светот за 2021 година?

Read more

Италијанците на референдум догодина за легализација на марихуаната

Read more

САД признаа: Убивме десет цивили во напад со дрон во Кабул

Read more
 

Вести

Македонија прва во Европа по број на починати од ковид за една недела

Читај повеќе

Нови мерки за влез во Швајцарија - новина и за невакцинираните

Читај повеќе

Се истражува оштетувањето на електричната табла до прилепската модуларна болница

Читај повеќе

Рускоска: Истрагата за Драги Рашковски во завршна фаза

Читај повеќе

Приведен угостител, во локалот затекнати три лица без сертификат за вакцина

Читај повеќе

Кои се најбезбедни градови во светот за 2021 година?

Читај повеќе

Италијанците на референдум догодина за легализација на марихуаната

Читај повеќе

Есенва ќе има поголем ризик за зараза, колективен имунитет само со вакцинација

Читај повеќе

Променливо облачно со локален пороен дожд и грмежи

Читај повеќе