Може да се каже дека зимската сезона веќе започна на северот на Шведска.
Во средата, метеоролошката служба издаде портокалово предупредување за снег и ветер во комбинација со снежни врнежи во делови од внатрешноста на северниот дел на Норботен, при што некои градови се силно побелени.
Зимата стигна, судејќи по фотографиите кои ни пристигнуваат од Шведска, каде деновиве преовладуваат вистински зимски услови.
Кируна во Лапонија има 40 сантиметри снежна покривка, што е најголема количина на снег во овој дел од годината во последните 118 години. Локалниот сообраќај е привремено во прекин, како и училишните автобуси во центарот на Кируна и Јукасјарви. Исто така, нема да има собирање смет поради временските услови, а општина Кируна на својата официјална веб-страница побара од сите жители да ги заменат зимските гуми на своите автомобили.
Zima se polako približava. Na sjeveru Švedske ovih dana pravi zimski uslovi. Kiruna u Laponiji mjeri do 40 cm snijega što je najveća količina snijega u ovom dijelu godine u zadnjih 118 godina.
Posted by BHMETEO.ba on Thursday, September 21, 2023
Обилните снежни врнежи во комбинација со летните гуми на дистрибутивните камиони значеа и дека повеќето дистрибуции на весници во Малмфалтен не беа испорачани преку ноќ, пишува Norrbottens-Kuriren.
Шведскиот септемвриски рекорд за снежна покривка е 62 сантиметри во Сосјо, Јамтланд, а толку снег падна на 28 септември 1954 година.
Меѓутоа, во јужните делови на Шведска снегот е далеку. Во Скане до крајот на неделава се очекуваат температури до 25 степени.
