Снимки стари 30 години ја откриваат мистеријата на Венера

Анализата на снимки стари 30 години покажа дека Венера е геолошки жива планета.

Научниците веќе половина век се обидуваат да најдат знаци на вулкански ерупции на Венера, но нејзината густа атмосфера ги спречува набљудувањата од Земјата.

Во новото истражување, научниците успеаја да најдат докази за вулканска ерупција на снимката од одамна завршена вселенска мисија - тие видоа вулкан на Венера што го менува обликот и се шири и нешто наликува на лава во кратерот.

Изненадување после макотрпен труд

Авторите на трудот објавен во списанието Science објаснуваат во своето резиме дека мисијата на НАСА Magellan од 1990 до 1992 година ја снимила површината на планетата користејќи радар од орбитата на Венера. Кога ги истражувале снимките на Magellan од вулкански области, тие идентификувале вулкански отвор со површина од околу 2,2 km2, кој го променил обликот во осум месеци помеѓу двете радарски снимки. Покрај тоа, тие забележале можни текови на вулканска лава во внатрешноста на кратерот. Сепак, нема дефинитивни потврди за неговото излевање, бидејќи постои можност евидентираните формации да постоеле и претходно. Супстанцата што го пополнува отворот може да биде паѓање на карпи предизвикано од лизгање на земјиштето. Исто така, можно е формациите налик на поток да биле веќе присутни на сликите во февруари, но не можеле да се видат поради аголот на кадарот.

Remote video URL

Мисијата Magellan беше првата што ја сними целата површина на Венера пред леталото намерно да биде испратено во топлата, токсична атмосфера на планетата во 1994 година за да го собере конечниот сет на податоци.

„Овие резултати ги толкуваме како потврда дека на Венера има постојана вулканска активност“, велат авторите.

„Се обложувам дека имало ерупција на езеро од лава“, коментира еден од двајцата коавтори на новото истражување, Роберт Херик, планетарен научник од Универзитетот во Алјаска Фербенкс.

Херик и неговиот колега Скот Хенсли забележале вулкански отвор на огромниот вулкан Маат Монс.

„Навистина не очекував успех, но по околу 200 часа рачно споредување слики од различни орбити на Magellan, видов две слики од истиот регион направени со разлика од осум месеци, кои покажуваат индикативни геолошки промени предизвикани од ерупцијата“, рече Херик за CNN.

Тој ги снимил промените на сликите во регионот Атла, огромна планинска област каде што се наоѓаат двата најголеми вулкани на Венера, наречени Оза Монс и Маат Монс. И двата се слични на најголемите вулкани на Земјата, но бидејќи имаат помали падини, тие се пораширени, објасни Херик.

Резултатите ја изненадија научната заедница. Научниците и претходно имаа индиректна потврда за вулканска активност на Венера, но очекуваа дека ќе ја пронајдат дури на почетокот на 2030-тите, кога две вселенски летала со врвни радарски системи кои продираат во облак - VERITAS на НАСА и European EnVision - ќе стигнат до Венера.

Тоа ќе помогне да се разбере разликата помеѓу Земјата и Венера

Ова откритие има големо значење за научната заедница бидејќи може да помогне да се објасни како две планети со сличен состав и големина - Венера и Земја - тргнале по различни патеки во нивната еволуција.

Научниците веруваат дека Венера имала и океани на својата површина во далечното минато кои исчезнале поради некоја необјаснета катаклизма. Еден од можните виновници за ваквиот развој на настаните би можеле да бидат климатските промени предизвикани од огромните вулкански ерупции.

„Ако сакате да го разберете единствениот друг свет со големина на Земјата до кој некогаш ќе дојдеме, каде било во универзумот, Венера е единствениот избор што го имате“, изјави за Scientific American Пол Бирн, планетарен научник од Универзитетот Вашингтон во Сент Луис, кој не бил вклучен во новото истражување.

Тагови
реклама

Откриен нов вид „екстремно агресивна“ змија

Read more

3 симптоми на висок холестерол кои можат да се забележат на телото без тестирање

Read more

Голем неделен хороскоп од 17 до 23 јуни

Read more

Рецепт на денот: Пилешко „а ла Тоскана“

Read more

Наука

Откриен нов вид „екстремно агресивна“ змија

Read more

Voyager 1 се „разбуди“ и повторно испраќа податоци

Read more

Кинезите развија 3D е-кожа која на роботите им дава чувство на допир како човек

Read more

Египќаните се обидувале да лечат рак пред 4000 години

Read more
 

Гик

Пеколно лето: Зошто е важно да го заштитите телефонот од прегревање?

Читај повеќе

Apple планира потенки iPhone, MacBook Pro и Apple Watch

Читај повеќе

Откриен нов вид „екстремно агресивна“ змија

Читај повеќе

Voyager 1 се „разбуди“ и повторно испраќа податоци

Читај повеќе

Во Австралија откриени коски на летечки диносаурус со масивен јазик

Читај повеќе

Грчки археолози открија мистериозна тркалезна градба стара 4.000 години

Читај повеќе

Нова студија открива: Дали видео игриците се добри или лоши за менталното здравје?

Читај повеќе

НАСА по грешка објави видео од Меѓународната вселенска станица и предизвика многу шпекулации

Читај повеќе
  • filter

Наследството на Централните Пангејски Планини: Како некогаш биле поврзани Европа, Америка и Африка?

Читај повеќе