Славниот рапер Снуп Дог на социјалните мрежи ја сподели тажната вест за смртта на неговата мајка. Со низа објави на Instagram, раперот со прости од мајка му Беверли Тејт, која почина во болница, на 70 години.
„Мамо, ти благодарам што ме роди“, напиша раперот.
Во збогувањето со мајка му подоцна додаде и фотографија на која Тејт држи букет цвеќиња, нарекувајќи ја ангел.
„Ти благодарам Господе што ми даде ангел за мајка, до следната средба“, напиша раперот.
Обожавателите му дадоа огромна поддршка за загубата, а во една од последните објави во чест на мајка му, раперот истакна дека токму таа го поттикнала да пишува песни.
„Ме научи да читам и да пишувам за тоа што ме мачи и како да се борам. Сега конечно ги имаш твоите крилја, мамо“, напиша раперот.
