Група фминистки направија метеж пред избирачкото место каде денес гласаше кандидатката за претседател на Франција Марин ле Пен.
Двете демонстрантки носеа маски, едната со ликот на Ле Пен, другата со ликот на американскиот претседател Доналд Трамп, а на голите гради имаа напишано „Тим Марин“. Во рацете држеа транспаренти со пароли на кои пишуваше „Моите мали Французи ќе ви изградат ѕид“ и слично.
Активистките на феминистичката група Фемен протестираа и во северна Франција.
Таму група топлес жени скокнаа од лимузина со маски на лицата и скандираа против кандидатката Ле Пен.
Полицијата интервенираше во двата случаи, при што им ги одзеде маските и транспарентите и ги уапси демонстрантките.
Ле пен гласаше набрзо по инцидентот.
Изборите за претседател во Франција се одржуваат под силно обезбедување.
мобилизирани се 50.000 полицајци и над 7.000 војници за одржување на редот и мирот на гласачките места.