Полицијата бара девојка од Косово, за која постои сомнение дека била со киднаперот на тригодишното девојче Меделин Мекен од Велика Британија, која во 2007 година исчезна во Португалија, пишува весникот Daily Mail.
Весникот наведува дека се верува дека девојката била во камп-приколката со киднаперот кога Медeлин Мекен исчезнала од хотелот.
Полицијата се надева дека ќе ја пронајде поранешната партнерка на киднаперот, за која се верува дека во тоа време била малолетна и дека потекнувала од Косово, пренесува Daily Mail.
Германскиот обвинител од Брауншвајг, Ханс Кристијан Волтерс вчера соошти дека претпоставува дека девојчето е мртво.
Неидентификуваниот 43-годишен Германец во моментов е во затвор поради претходни обвиненија за педофилија.
Се верува дека тој бил во областа каде што последен пат била видена Медeлин за време на нејзиниот летен одмор во Португалија. Меѓу 1995 и 2007 година тој живеел во Алварге, каде ограбувал хотели и продавал дрога, соопшти германската полиција.
