Маж од гратче во северозападна Германија покрај холандската граница, бил толку збунет во поголем град што три недели не можел да најде каде го паркирал својот автомобил.
62-годишниот човек на почетокот на февруари го паркирал своето возило во катната гаража во Оснабрик, град со 165.000 жители, и отишол на состанок.
„Веќе не знам колку пати бевме во Оснабрик да го бараме автомобилот“, изјави ќерка му во средата.
Тој немал ни билет за паркирање со името на паркингот бидејќи рампата била отворена затоа што издавачот на картички не работел, вели таа.
Татко ѝ возел од гратчето Бентхајм во Долна Саксонија до Оснабрик на 3 февруари. Кога влегол во градот барал паркинг во близина на центарот, се паркирал во гаражата и подоцна не можел да се сети каде се наоѓа.
Три недели таткото и ќерката пребаруваа многу гаражи во Оснабрик, каде што има 15-ина само во центарот.
На крајот контактирале со медиумите и некој дојавил дека тој го нашол нивното возило.
Автомобилот се наоѓал во хотелска катна гаража во центарот на градот.