Некогаш соиграчи, а денеска големи ривали – Расел Вестбрук и Џејмс Харден ги одмерија силите во уште еден историски дуел помеѓу нивните тимови Оклахома Сити Тандер и Хјустон Рокетс.
Тимот на Оклахома Сити Тандер на гостински терен успеа да стигне до победа над Хјустон Рокетс, со резултат од 117:112.
Серијата на последователни натпревари во кои Џејмс Харден постигнува повеќе од 30 поени продолжи и по овој дуел, но неговите 42 поени не беа доволни за да се надмине пречката која пред него стоеше во облик на двајца од најдобрите играчи во НБА во моментов – Расел Вестбрук и Пол Џорџ.
Вестбрук, во негов стил, забележа нов трипл-дабл со 21 поен, 12 скока и 11 асистенции, притоа израмнувајќи го рекордот на Вилт Чемберлејн од 1968 година, кој е единствениот друг играч во историјата на лигата кој успеал да забележи девет последователни трипл-дабл учиноци. Ако на тоа ја додадеме и маестралната игра на Пол Џорџ и неговиот учинок од 45 поени и 11 скока, станува јасно зошто Тандер стигна до победа на гостински терен.
Останати резултати:
Јута Џез – Сан Антонио Спарс 125:105
Индијана Пејсерс – Кливленд Кавалирс 105:90
Атланта Хокс – Шарлот Хорнетс 120:129
Њујорк Никс – Торонто Репторс 99:104
Бостон Селтикс – Лос Анџелес Клиперс 112:123
Чикаго Булс – Вашингтон Визардс 125:134
Мемфис Гризлис – Њу Орлеанс Пеликанс 99:90
Милвоки Бакс – Орландо Меџик 83:103