Двејн Џонсон уште еднаш докажа дека со право го заслужува прекарот The Rock. Еден од најголемите мотиватори за вежбање на социјалните мрежи објави видео во кое изведува исчекор со синџир околу вратот, тежок околу 45 килограми. Неговото мускулесто и испотено тело предизвика вистински хаос меѓу обожавателките.
Најмногу коментари има за неговиот цврст задник, за кој жените јавно коментираа дека не можат да гледаат на друго место освен во задникот. „Неговиот задник и нозете се најдоброто нешто што сум го видела некогаш“, „Нека се јави оној кој во целото видео не му гледаше во задникот“ и слични коментари пишуваа обожавателките.
Но, изгледа дека на коментарите не останаа рамнодушни и обожавателите на Џонсон, еден од нив испрати критика во името на сите мажи.
„Следниот пат кога некој од нас мажите ќе коментира за женското тело како што вие сега коментирате за Џонсон, ќе ве молам да се сетите дека сето тоа е во човечката природа и тогаш да не нè напаѓате со феминистички финти. Всушност, и вие сте исти како нас“, гласи коментарот за кој повеќето жени заклучија дека е всушност само љубоморна забелешка.
