Данска ја совлада Македонија со 31:20, со што го потврди првото место во групата 2 на ЕП во Хрватска и пласманот во полуфиналето, завршувајќи го нашиот настап на првенството.
Во првото полувреме македонската репрезентација играше гол-за-гол со противникот, откако 30-те минути ги заврши со 12:12, но на почетокот на второто полувреме, Данците направија предност од четири гола, која на крајот се покажа како одлучувачка.
Во второто полувреме, Данците „влегоа“ во втора брзина и по седум минути игра направија предност од 17:13. Кузмановски врати со два гола за да ја намали предноста на два гола, но доминацијата на фаворитите за златото во Хрватска продолжија во ист ритам и стигнаа до убедливата победа.
Филип Кузмановски беше најефикасниот во нашата репрезентација со шест постигнати голови, додека по четири додадоа Дејан Манасков и Столе Стоилов, додека во данската репрезентација најдобро функционираше Михаел Дамгард Нилсен, кој успеа да даде дури 11 голови, а Андреас Закариасен беше втор најефикасен со 5 голови.