Со патриотски и народни песни, поворката која протестира за одбрана на името Македонија се упати кон Собранието. На чело на поворката е владиката Агатангел, кој денеска изјави дека ќе учествува на протестот, но дека нема да го предводи.
„Македонија, Македонија“, „Заев предавник“, извикуваат демонстрантите. Се веат државни знамиња, а може да се забележат и знамиња на ВМРО-ДПМНЕ.
Учесниците носат транспаренти „Македонски јазик за сите дома и во светот“.
Поворката која се движи од пред зградата на ЕУ инфо центарот до Собранието го обезбедува полицијата, а ја предводи возило со озвучување и македонски знамиња.