Англиските нисколигаши Олд Вулфрунијанс и Лејн Хед го соборија државниот рекорд откако изведоа 44 пенали во серија за да се пласираат во купот JW Hunt.
Претходниот англиски фудбалски рекорд го држеа U-23 тимовите на Челзи и Оксфорд во EFL Trophy, како и Таунтон Таун и Труро Сити во Southern League Challenge купот. Двата натпревара завршија по 34 пенали.
Сепак, Олд Вулфрунинс и Лејн Хед го соборија рекордот и изведоа уште 10 пенали. На крајот Џек Марш погоди за 19:18 и победа на домашните.
Џек е син на првиот човек на клубот, Сајмон Марш, кој пропушти голем дел од пенал серијата бидејќи мораше да оди по храна што ја нарачал за време на натпреварот.
„Беше неверојатно. Почна во 21:35 часот, а ние завршивме далеку по 22 часот. По 22-от пенал отидов да ја земам нарачката, а кога се вратив уште траеше изведувањето пенали. Стигнав да го видам претпоследниот, што нашиот голман го одбрани, а потоа и оној кога Џек погоди“, рече Сајмон.
Натпреварот се одигра на Каслекрофт, стадионот „Олд Вулфрунинс“ и е поранешен тренинг центар за Вулверхемптон Вондерерс од Премиер лигата.