Софија Вергара ќе ја глуми Гриселда Бланко во новата серија на Netflix во која во 6 епизоди ќе го прикажат вистинскиот живот на кралицата на кокаинот.
Црната вдовица го создала едниот од најпрофитабилните картели во историјата.
Бланко ќе ја глуми познатата актерка Софија Вергара.
„Немилосрдната, но генијална тактика ѝ овозможија да владее со царство од милијарда долари години пред појавата на нарко босови за кои знаеме многу“, рече Вергара.
Бланко стана актуелна во јавноста откако се појави документарниот филм „Cocaine Cowboys“ од 2006 година и неговото продолжение 2 години подоцна, а ја глумеше и Кетрин Зета Џоунс во биографскиот филм „Cocaine Godmother“ во 2018 година.
На врвот на својата кариера таа имала богатство од над 1,5 милијарди евра. Гриселда имала група атентатори наречена Лос Пистолерос. Таа им наредувала да ѝ носат делови од телата на жртвите како трофеи. Таа лично застрелала двегодишно момче, син на нејзиниот непријател. И покрај големиот број убиства, таа била осудена за само три од злосторствата, на 13 години затвор. Кога полицијата влегла да ја уапси таа ја читала Библијата.
Сепак, по ослободувањето од затвор, Гриселда ги прекинала комуникациите со подземјето. Таа била депортирана во Колумбија во 2004 година. Потоа таа се свртела кон религијата и се преселила во Меделин, каде што живеела до нејзината смрт во 2012 година.