Натпреварот помеѓу Далас Маверикс и Феникс Санс за малку ќе се претвореше во физичка пресметка во последните секунди од натпреварот одигран синоќа во Далас.
Соиграчите и судиите мораа да ги раздвојат Лука Дончиќ и Девин Букер за да не дојде до ескалација на ситуацијата по еден удар по лице.
Сè се случи во самиот финиш на мечот во кој Феникс победи со 130:126. Девин Букер и Кевин Дурент, првите офанзивни опции на Санс, заедно постигнаа 73 поени. Покрај 37 поени, Дурент имаше и седум скока заедно со одлични 12/17 од поле, додека Букер на учинокот додаде 10 асистенции за кои шутираше 15/25 од поле.
Лука Дончиќ одговори со 34 за Мавс, а Кајри Ирвинг додаде 30. Словенечката суперѕвезда се мачеше со шутирањето во текот на целиот натпревар и имаше лоши 8/23 од поле (1/9) за тројки. Дончиќ постигна половина од своите кошеви од линијата за слободни фрлања (17/19). Имаше и девет скока.
Она што го издвојуваат американските медиуми по средбата е неговиот вербален конфликт со Букер, зачинет со близок контакт лице в лице по фаулот во кој можеше да го постигне израмнувачкиот поен на неколку секунди пред крајот на мечот. Букер по натпреварот изјави дека воопшто не му се обраќал на Дончиќ, туку на судијата пред Словенецот да тргне кон него.
„Со оглед на кажаното, не би рекол. Само следниот пат не ги чекај последните три секунди од играта за да почнеш да зборуваш“, изјави Дончиќ на прес-конференцијата по натпреварот.
