Ако се обидувате да слабеете. една од намирниците што треба да ја додадете во вашата секојдневна исхрана е киноата.
„Киноата обично се смета за житарка, но таа е семе“, вели нутриционистот Роксана Ехсани. Киноата доаѓа во бела, црна или црвена боја, а Ехсани забележува дека сите варијанти обезбедуваат приближно иста хранлива вредност.
„Полна е со хранливи материи кои се добри за вас, како што се влакна, антиоксиданси, витамини и минерали. Содржи поголеми количини на манган, железо, фолна киселина, магнезиум, фосфор, калиум, Б6, бакар и рибофлавин“, вели таа.
Една шолја варена киноа има 222 калории, 8 грама протеини, 4 грама масти, 39 грама јаглени хидрати и 5 грама влакна.
Има многу влакна
Киноата содржи пет грама диетални влакна по чаша.
„Диетата богата со растителни влакна често е нешто што луѓето го занемаруваат кога се обидуваат да изгубат тежина. Конзумирањето доволно влакна ќе ви овозможи да се чувствувате сити, така што помала е веројатноста да прејадете и да грицкате помеѓу оброците“, вели Ехсани.
Нема многу калории, а богата е со протеини
Ги содржи и сите девет есенцијални аминокиселини, што ја прави целосен протеин.
„Ова е одлична вест за веганите и вегетаријанците“, вели Ехсани.
„Протеинот е важна компонента на секој оброк и ужина. Кога јадете протеини, вашето тело согорува калории, што може да помогне при губење на тежината. Исто така, обезбедува чувство на ситост бидејќи се вари многу побавно и може да го задржи шеќерот во крвта повеќе стабилен, што исто така помага да се држи гладот под контрола“.
Добро оди со зеленчук и посно месо
„Во комбинација со посно месо и зеленчук, киноата го зголемува чувството на ситост“, вели Ехсани. „Следете ја оваа исхрана доследно и ќе ја изгубите несаканата тежина.“
Извор на манган
Киноата е полна со витамини и минерали, а содржи особено висока доза на манган.
„Манганот е есенцијална хранлива материја која го поддржува здравјето на коските, помага да се намали воспалението и ризикот од болести благодарение на неговата висока доза на антиоксиданси, а исто така игра важна улога во здравјето на хормоните, особено на тироидната жлезда“, вели Ехсани.
Се готви брзо и лесно
Уште еден плус за киноата - многу едноставно и брзо се подготвува.
„Можете едноставно да ја зачините со додавање сушени билки и зачини во водата за готвење или да ја готвите во супа од зеленчук или пилешко“, вели Ехсани.
„Можете да ја направите во слатка комбинација како каша за појадок со млеко и овошје.“