Тим инженери од Австралија користеле технологија која вообичаено се користи во очилата за ноќно гледање за да произведат енергија на специфичен начин.
Конвенционалната соларна технологија ги апсорбира зраците на сончевата светлина и ги претвора во енергија. Колку и да изгледа чудно, постојат материјали кои можат да го променат процесот - да произведуваат енергија додека зрачат топлина назад кон студеното ноќно небо.
Тим инженери од Австралија ја користеле технологијата што вообичаено се користи во очилата за ноќно гледање за да произведат енергија на специфичен начин, пишува Science Alert.
Нивниот прототип моментално генерира мала количина на енергија и веројатно нема да може да се натпреварува со другите обновливи извори на енергија, но може да се покаже корисен во комбинација со постоечката фотоволтаична технологија и да ја искористи малата количина на енергија генерирана со ладење на соларни ќелии по долгиот и топол ден.
„Фотоволтаичната технологија е вештачки процес на претворање на сончевата топлина во енергија. Процесот на терморадијација е сличен; ние ја пренасочуваме енергијата во инфрацрвеното зрачење од топлата Земја во студениот простор“, вели Фиби Пирс од Универзитетот во Нов Јужен Велс.
Со поставување на атом во материјал кој „вибрира“ од топлина, ги принудувате неговите електрони да генерираат нискоенергетски бранови на електромагнетно зрачење во форма на инфрацрвена светлина; кој има потенцијал да предизвика мал наплив на електрична енергија.
Загреан на околу 20 степени Целзиусови, еден од тестираните фотоволтаични детектори MCT генерира моќност од 2,26 миливати на метар квадратен. Сепак, тоа не е доволно ни за да загреете вода за вашето кафе. За такво нешто би било потребно да се постават MCT панели на неколку градски блокови.
Сепак, треба да се напомене дека ова е прототип и дека оваа технологија би можела да се развие и да стане многу поефикасна во иднина.
„Во моментов, нашата терморадијациона диода произведува релативно мала моќност. Но, главниот предизвик беше да се открие дека такво нешто е изводливо. Теоретски, оваа технологија на крајот може да произведе околу една десетина од енергијата обезбедена од соларните панели“, рече физичарот Нед Екинс-Докс.
Во случај оваа технологија да стане поефикасна, би било вредно да се постават MCT диоди во класичните фотоволтаични мрежи за да продолжат да ги полнат батериите долго по зајдисонце.
Истражувањето се вика „Thermoradiative Power Conversion from HgCdTe Photodiodes and Their Current–Voltage Characteristics“ и е објавено во списанието ACS Photonics.