Она што најмногу нервира кај даските со сирење е што се ненормално вкусни и рацете ќе ви отпаднат ако ја „влечкате“ даската со себе. Ако, пак, земете малку, постојано ќе трчкате наваму-натаму за да си ја надополните чинијата.
Да не се лажеме: Кашкавалот и сирењето се многу вкусни! Факт е дека требало порано да ни текне да ги сервираме во фишеци од ториља или корнети за да ги грицкаме како сончоглед.
Земете неколку парчиња од вашите омилени сирења и кашкавали, насецкајте ги и одберете дали ќе ги послужите во завиена тортиња или корнет за сладолед.
Интересен додадок е мешавина од две супени лажици павлака и две чајни лажички мајонез со малку сув мајоран, сол и бибер. Украсете со долгнавести парчиња краставица, зелена и црвена пиперка и уживајте.
Ако се чувствувате дополнително авантуристични заменете го сосот од павлака со малку стопен Camembert и декорирајте со парче две сувомеснато.
