Подгответе брзи, лесни и вкусни солени црвени палачинки со жолт сос.
Потребни состојки:
Црвени палачинки:
2 јајца
150 грама брашно
200 мл млеко
100 грама кечап
масло за пржење на палачинките
Фил:
300 грама мелено месо
1 главица кромид
50 мл масло
50 мл вода
магдонос, сол и црн пипер
Жолт сос:
100 грама мајонез
5 кисели краставички
пола лажичка лук во прав
пола лажичка куркума во прав
Подготовка:
Прво направете ги палачинките. Сите состојки за палачинки ставете ги во сад, измешајте и пржете ги палачинките на вообичаен начин.
За филот, кромидот исецкајте го ситно па потоа пржете го на масло, додадете ги меленото месо, вода, сол и црн пипер и пржете околу десетина минути.
За жолтиот сос, изрендајте ги киселите крставички, додадете го мајонезот и куркумата, задно се измешајте .
На крај филувајте ги палачинките. На палачинката намачкајте една лажица кисела павлака, ставете една лажичка од филот, преклопете ги страните на палачинката па потоа завиткајте ја, постапката повторете ја со секоја палачинка. Одозгора ставете од жолтиот сос на секоја палачинка и послужете.
