Регион

Солун блокиран поради протестите за спорот со името

21. јануари 2018 - 14:41 | Макфакс

Граѓаните на  Солун излегоа на долгонајавуваниот протест за спорот со името на Македонија. Овој протест се спрема веќе неколку денови, а низ цела Грција се делат летоци и се повикуваат граѓаните да дојдат.

Во центарот на Солун  од вчера веќе се залепени плакати како најава за собирот,  на кои пишува „Македонија значи Грција“. А токму ова заедно со слоганот „Македонија е една и грчка“ се очекува да биде главното мото на протестот. Според организаторите, се очекува да се соберат околу 30.000 граѓани, кои со организиран превоз, со 500 автобуси од доцна синоќа, од цела Грција, пристигнуваат во Солун.

Организатори на собирот се грчки здруженија и организации од дијаспората, а имаат поддршка меѓу другото и од политички партии, спортски и христијански здруженија, градоначалници и митрополити од различни општини. Преку протестот, бараат да не се користи терминот „Македонија“ во името на нашата земја.

Полицијата го блокираше целиот центар во Солун, бидејќи слични демонстрации немало во последниве 25 години. Вториот сличен беше кога беше објавена независноста на Македонија. 

Коментирај