Бока Жуниорс го одигра својот прв натпревар по смртта на легендата на клубот Диего Марадона и славеше со 2: 0 против Њуел’с Олд Бојс, уште еден од поранешните клубови на Марадона.
Сè на „Ла Бомбонера“ беше во знакот на Марадона, кој почина минатата среда на 60 години. Сите играчи на Бока носеа дрес со неговото име, на теренот имаше знаме со порака „Диего е бесмртен“, а на дресовите беше неговиот лик од времето кога играше за Бока.
Откако поведоа во 12-та минута со голот од слободен удар на Кардона, сите играчи на Бока истрчаа пред ВИП ложата од која Марадона имаше гледано безброј натпревари. Овојпат во ложата седеше само ќеерка му Далма, а сите играчи на Бока пред неа аплаудираа во чест на еден од најголемите фудбалери на сите времиња.
Марадона играше за Бока на почетокот на својата кариера во раните 80-ти и на самиот крај од 1995 до 1997 година. Одигра 70 натпревари за клубот од Буенос Аирес и постигна 35 погодоци.