Поранешниот шеф на Манчестер Јунајтед, сер Алекс Фергусон, со солзи и овации беше дочекан од фановите на неговото прво појавување на Олд Трафорд по итната операција на мозокот во мај годинава.
Водителот на стадионот го најави Фергусон како „една од најважните фигури во историјата на клубот“, а тој одговори со енергични поздрави до публиката што го пречека на нозе и со солзи во очите.
Фергусон (76) пред натпреварот рече: „Ова беше долго патување и постепено правам чекори напред, слушам што ми кажуваат синот и докторите и да, се чувствувам добро. Имам малку трема, да бидам искрен, ова ќе биде многу емотивно за мене... мислам дека последен пат ги гледав против Арсенал во април. Тоа беше одамна, но супер е што се вратив.“
