Италијанската полиција уапси сомалиски барател на азил откако во саботата вечерта со нож уби четири жени и шестгодишно дете во туристичкиот град Римини, објави во неделата новинската агенција АНСА.
Истражителите засега исклучуваат терористички напад, додава АНСА. Министерката за внатрешни работи Лучана Ламоргезе го опиша инцидентот како „исклучително сериозен“ и во изјавата рече дека доаѓа во Римини на безбедносен состанок во понеделник.
Мажот избодел две контролорки на билети во автобус, а потоа уште три лица во бегство, меѓу кои и едно дете, објавија италијанските медиуми.
По инцидентот, Матео Салвини, водач на екстремно десничарската партија Лига, која е дел од владејачката коалиција, ја критикуваше Ламоргезе во видео на Facebook.
Со месеци Салвини врши притисок врз министерот за внатрешни работи да донесе построга имигрантска политика.
Сомалиецот (26) престојувал во Италија со месеци и поднел барање за азил. Тој е во Европа од 2015 година и веќе аплицирал за статус на бегалец во Данска, Шведска, Германија и Холандија.