Времето денеска ќе биде сончево со умерена облачност. Претпладне по одделни котлини ќе има ниска облачност и слаба магла.
Утринските температури ќе се движат од -12 до -2 степени, додека дневните ќе бидат во интервал од 1 до 6 степени.
Во Скопје и околината слично време со утринска температура околу -11 степени и дневна до 3 степени.
Во наредните денови времето во Македонија ќе биде претежно стабилно и суво, односно ќе преовладува променливо облачно со сончеви периоди и со појава на магла во котлините и речните долини. Во четврток и во петок ќе има зголемување на облачноста со услови за локален дожд. Температурата ќе има тенденција на пораст.