Времето денеска ќе биде сончево со мала до умерена локална облачност. Ќе дува слаб до умерен ветер од променлив правец. Утринските температури ќе се движат од 3 до 7 степени, додека дневните ќе бидат во интервал од 20 до 27 степени.
Во Скопје и околината слично време со утринска температура околу 6 и дневна до 26 степени.
Во сабота во попладневните часови ќе има локален краткотраен дожд, особено во планинските подрачја. Во недела ќе биде променливо облачно со повремени врнежи од дожд, на повисоките планини со услови за повремен снег, а ќе дува и умерен до засилен југозападен ветер. Ќе има и услови за ретки грмежи.
Од понеделник поради спуштање на постуден воздух, температурите позначително ќе опаднат.