Времето денеска ќе биде сончево со мала до умерена облачност, попладне облачноста ќе се зголемува. Ќе дува слаб ветер од јужен правец, а максималната температура ќе биде од -3 до 5 Целзиусови степени.
Утринските температури се движеа од -14 Целзиусови степени во источните предели, до -5 степени во јужните. Максималните дневни температури ќе достигнат вредности од -1 степен во Маврово, до 8 степени во Гевгелија. Во главниот град Скопје, температурата ќе достигне до максимални 5 Целзиусови степени.
Од недела подрачјето на земјата ќе биде под влијание на серија од влажни воздушни бранови, кои ќе условат променливо облачно време со повремени врнежи од дожд и снег, а на повисоките места и на планините од снег. Врнежите ќе бидат со променлив интензитет.
