Скопје, 31 март 2021 (МИА) – Времето денеска ќе биде сончево со мала до умерена облачност.
Ќе дува умерен, а во повисоките места повремено засилен ветер претежно од североисточен правец.
Минималната температура ќе биде во интервал од минус два до шест степени, а максималната од 13 до 21 степени.
Во Скопје, сончево со мала до умерена облачност и со умерен северен ветер. Минималната температура ќе се спушти до три, а максималната ќе достигне до 18 степени Целзиусови.
Од УХМР информираат дека ќе се задржи стабилно и релативно топло време, а од петок следува период на променливо облачно време со повремен локален дожд со променлив интензитет. На места врнежите ќе бидат проследени со појава на грмежи. В недела се очекува опаѓање на дневните температури.
Минималните температури ќе се движат од -1 до 8 степени, а максималните од 14 до 23 степени.
