Леталото кое НАСА го испрати да ја проучува орбитата околу Јупитер, Juno, забележа нови предели од северниот пол на најголемата планета во нашиот Сончев систем. Новите фотографии и снимки беа објавени од страна на НАСА.
Во текот на последните две години Juno орбитира околу Јупитер секој 53-ти ден и прави фотографии од оваа планета користејќи инфрацрвена камера. Juno првпат направи круг околу Јупитер во 2016 година.
Според снимките кои Juno ги направи, може да се види дека целиот северен пол на Juno се состои од големи бури опкружени со осум центрифугирани циклони кои имаат поголем пречник од Месечината.
Мерејќи го составот на Јупитер, сензорите на леталото на НАСА се обидуваат да дешифрираат како е формиран најголемиот свет во нашиот Сончев систем.
Juno успева да лета на многу мала висина над половите на Јупитер и тоа му овозможува да прави висококвалитетни инфрацрвени слики. Досега успешно е мапирана половина од планетата а предвидено е Juno да кружи околу Јупитер до 2021 година.