Во Атланта е претставен специјален дрон кој ќе пристигнува прв на местото на несреќата.
Компанијата Sonin Hybrid разви дрон кој ќе може да лета со брзина од 225 км/ч, наменет за службите кои пристигнуваат први на местото на несреќата. Дронот е наречен Sonin Hybrid Recruit и освен брзината, има уште една предност. Тоа е технологијата која му овозможува да полни батерии во текот на летот.
Дронот може да лета подолго од три часа и е трипати побрз од моментално најбрзите комерцијални дронови.
Употребата на дронови е широко распространета меѓу полицијата, пожарникарите, војската, но нема многу дронови дизајнирани специјално за службите кои први пристигнуваат на местото на несреќата.
Тоа е така поради ограничувањето на батериите, кои мора да се полнат по краток период.
Но, овој дрон користи систем на бензин и батерија, опремен е со 4K камера, како и со FLiR инфрацрвена камера за користење во ноќните часови.
Конструкцијата на дронот е направена од карбон. Компанијата Sonin Hybrid е во процес на придвижување на бета програма со полицијата и пожарникарите низ САД.