На Mobile World Congress во Барселона, Sony претстави поевтина верзија на својот врвен модел Xperiа Z5. Станува збор за уредите Xperiа X и Xperiа XA, кои поседуваат некои карактеристики од поскапиот модел, но имаат подобра цена од него.
Xperia X го доби Qualcomm Snapdragon 650 процесорот како и 3GB RAM, а главната одлика е 5-инчниот екран со резолуција од 1080р и Triluminos технологија. Смартфонот има задна камера од 23 мегапиксели и предна од 13 мегапиксели, а е достапен во две верзии со 32 и со 64GB внатрешна меморија. На десната страна има скенер за отисоци.
Xperia XA е нешто поскромен модел со MediaTek MT6755 процесор со 8-јадра и 2GB RAM. Телефонот има 5-инчен edge-to-edge екран со 720р резолуција, задна камера од 13 и предна од 5 мегапиксели.
Меморијата на двата уреди може да се прошири, преку microSD слот, а ќе бидат достапни во повеќе бои. Цените се уште не се објавени.
