Хроника

Сообраќајка на патот Гостивар-Кичево, повредени повеќе лица

24. март 2019 - 15:30 | МИА

Гостивар, 24 март 2019 (МИА) – Во судир на две патнички возила на магистралниот пат Гостивар – Кичево повредени се најмалку шест лица.

Според првичните информации, несреќата се случила околу 13:30 часот во близина на мавровската раскрсница. Двата автомобили, VW Passat со тетовски и BMW со гостиварски таблички, кои се движеле во спротивни правци, директно се судриле.

Повредените се пренесени во Гостиварската општа болница каде се утврдува видот и карактерот на повредите.

Во тек е увид на местото на несреќата, а сообраќајот во близина на местото на несреќата се одвива забавено.

Коментирај