Моза бин Насер важи за модна икона која изгледа толку младешки што стана главна тема на СП во Катар.
Сите погледи вчера беа вперени во Катар, каде се одржува Светското првенство во фудбал. На отворањето на овој спортски настан 63-годишната сопруга на шеикот Хамад бин Калифа ал Тани блесна во женствено издание и стана главна тема на светските медиуми.
Моза бин Насер, сопругата на поранешниот емир на Катар, шеикот Хамад бин Калифа ал Тани, на отворањето на Светското првенство во фудбал облече бордо фустан стар 12 години, и тоа со посебна симболика.
Моза се појави облечена во фустан на Prada, што првпат го облече 2010 година, кога нејзината земја се пријави за домаќин на Светското првенство. Фустанот е изработен по нарачка од италијанската модна куќа и беше инспириран од нејзината колекција пролет-лето 2007 година. Бордо фустанот го спои со марама во истата нијанса, а изгледот го комплетираше со блескав брош и бордо мокасини.
Моза сподели и фотографии од нејзиното модно издание на отворањето на Instagram и порача:
„Сега е времето. Добредојдовте на Светското првенство на ФИФА Катар 2022 година“.
На снимката таа е со нејзиниот сопруг, шеикот Хамад, поранешен емир на Катар.